No pasobra e la muri, sino di kurason:

Norbert Hendrikse pa mi tabata un EXELENTE hefe di trabou na "AMIGOE". Ma kumisa traha ku Norbert ne edifisio bieu den Concientiesteeg na Otrobanda,algun luna despues di 30 di mei, momentu ku nan antiguo fotografo Tony Jeuken (qepd) a muri den un crash ku avioneta p'ariba di Maria Imaculata College.

Nunka mi tabatin konflikto ku Norbert, i si mi no ta hera mi no a mire nunka "echt" rabia. Norbert aparte di tabata redaktor en hefe di Amigoe tabata tambe un dje prome'nan ku a kumisa huur pelikula riba videocassette na Korsou, anto e tempu ei riba e cassettenan masha grandi ku nos ta jama "U-Matic Videocassette". Mi tabata juda Norbert solushona problema dje videoplayernan dje tempu ei momentu klientenan su tape keda pega den e mashin antikua'nan.

Nos tabatin un harmonia sumamente amikal entre koleganan i Norbert komo hefe di redakshon. Despues ku Norbert a bai traha komo Direktor na Telecuracao tambe mi kontakto ku ne a keda meskos, door ku mientrastantu mi mes ne momentu ei tabata traha den ramo televisivo.

Norbert manera hopi sa tabata masha aktivo den e asosashon deportivo di korementu jama "Road Runnners". Korsou a perde un gran periodista di taya. Dios deskansa Norbert Hendrikse.

Alex Alberto,
ex-fotografo di Amigoe.